Google Adwords auglýsingar (PPC)

Google Ads (Adwords) auglýsingarGoogle Ads (áður Google Adwords) eða Google Auglýsingar eru fljótlegasta og hnitmiðaðasta leiðin til að koma þínum skilaboðum beint til markhópsins, einmitt á því augnabliki sem hann er að leita að þinni þjónustu/vöru/lausn… og þú greiðir aðeins ef það er smellt á auglýsinguna þína.

Vel útfærð leitarorðagreining tryggir að það eru aðeins keyptir þeir leitarfrasa sem eru líklegir til að skila þeim árangri sem þú ætlast til. Frekari slípun herferðarinnar tekur tillit til þess hvaða nálgun skilar besta árangrinum. Samkeyrsla upplýsinga úr Google Ads og Google Analytics leiðir stöðugt í ljós ný tækifæri og gerir okkur kleift að fínpússa markaðsátakið jafnt og þétt.

Hvers vegna að auglýsa á Google?

Jafnvel þótt allt sé vandlega gert getur tekið tíma að ná náttúrulegum (organic) sýnileika fyrir vefinn þinn á Google, sérstaklega þegar samkeppnin er hörð. Það er líka vert að hafa í huga að væntanlegir viðskiptavinir munu orða leitina sína á margvíslegan hátt, allt eftir því hvað skiptir þá mestu máli hverju sinni. Með Google Ads er hægt að tryggja sér sæti í leitarniðurstöðum strax og með því að halda vel á spöðunum er hægt að skjóta keppinautum ref fyrir rass á lægra verði en þeir eru að greiða fyrir smellina.*)

Hver fær smellinn? Er „organic“ sýnileiki ekki málið?

Góður náttúrulegur sýnileiki í Google er alls ekki ástæða til að sleppa Google auglýsingum. Þvert á móti getur þú margfaldað möguleikana á verðmætum heimsóknum með því að vera með tvö- eða þrefaldan sýnileika. Dæmigerð Google niðurstöðusíða eins og sést hér sýnir 10 „organic“ niðurstöður, allt að 7 auglýsingar og 3 eða fleiri kortaniðurstöður. Væntanlegir viðskiptavinir nota ýmsar leiðir að takmarki sínu svo þú margfaldar möguleika þína með sýnileika á öllum vígstöðvum.

*) Hafðu samband og spurðu okkur hvernig.